Dartā rahtā huuñ ham-nashīnoñ meñ
ek patthar huuñ ābgīnoñ meñ
baat karnā jinheñ nahīñ aatī
aaj vo bhī haiñ nukta-chīnoñ meñ
jo bhañvar ko samajhte haiñ sāhil
aise bhī log haiñ safīnoñ meñ
mohtasib gin le uñgliyoñ hī par
chand hī rind haiñ kamīnoñ meñ
ḳhizr guzre the shahr se apne
ham bhī the ek rāh-bīnoñ meñ
bai.at-e-haq kī baat kyā karte
haath larzāñ the āstīnoñ meñ
faiz-e-shahr-e-'anīs' se 'sālik'
sher kahte haiñ in zamīnoñ meñ
Darta rahta hun ham-nashinon mein
ek patthar hun aabginon mein
baat karna jinhen nahin aati
aaj wo bhi hain nukta-chinon mein
jo bhanwar ko samajhte hain sahil
aise bhi log hain safinon mein
mohtasib gin le ungliyon hi par
chand hi rind hain kaminon mein
KHizr guzre the shahr se apne
hum bhi the ek rah-binon mein
baiat-e-haq ki baat kya karte
hath larzan the aastinon mein
faiz-e-shahr-e-'anis' se 'salik'
sher kahte hain in zaminon mein
Source:
Rooh-e-Ghazal,Pachas Sala Intekhab (Pg. 221)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.