Darte hain chashm o zulf o nigah o ada se hum

Dagh Dehlvi

Darte hain chashm o zulf o nigah o ada se hum

Dagh Dehlvi

MORE BY Dagh Dehlvi

    Darte haiñ chashm o zulf o nigāh o adā se ham

    har dam panāh māñgte haiñ har balā se ham

    ma.ashūq jā-e-hūr mile mai bajā.e aab

    mahshar meñ do savāl kareñge ḳhudā se ham

    gar kisī bahāne aa jaa.e vaqt-e-naz.a

    zālim kareñ hazār bahāne qazā se ham

    go hāl-e-dil chhupāte haiñ par is ko kyā kareñ

    aate haiñ ḳhud-ba-ḳhud nazar ik mubtalā se ham

    nā-chār iḳhtiyār kiyā sheva-e-raqīb

    kuchh be-hayā.ī ḳhuub haiñ guzre hayā se ham

    māñgī na hogī ḳhizr ne yuuñ umr-e-jāvedāñ

    kyā apnī maut māñgte haiñ iltijā se ham

    dekheñ to pahle kaun miTe us raah meñ

    baiThe haiñ shart bāñdh ke har naqsh-e-pā se ham

    majbūr apnī sheva-e-sharm-o-hayā se tum

    nā-chār iztirāb-e-dil-e-mubtalā se ham

    ye aarzū hai aañkh meñ surma lagā.eñge

    ai 'dāġh' ḳhāk-e-pā-e-rasūl-e-ḳhudā se ham

    Darte hain chashm o zulf o nigah o ada se hum

    har dam panah mangte hain har bala se hum

    mashuq ja-e-hur mile mai bajae aab

    mahshar mein do sawal karenge KHuda se hum

    gar tu kisi bahane aa jae waqt-e-naza

    zalim karen hazar bahane qaza se hum

    go haal-e-dil chhupate hain par is ko kya karen

    aate hain KHud-ba-KHud nazar ek mubtala se hum

    na-chaar iKHtiyar kiya shewa-e-raqib

    kuchh be-hayai KHub hain guzre haya se hum

    mangi na hogi KHizr ne yun umr-e-jawedan

    kya apni maut mangte hain iltija se hum

    dekhen to pahle kaun miTe us ki rah mein

    baiThe hain shart bandh ke har naqsh-e-pa se hum

    majbur apni shewa-e-sharm-o-haya se tum

    na-chaar iztirab-e-dil-e-mubtala se hum

    ye aarzu hai aankh mein surma lagaenge

    ai 'dagh' KHak-e-pa-e-rasul-e-KHuda se hum

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY