darun-e-zat aziyyat thi aur tum nahin the

darūn-e-zāt aziyyat thī aur tum nahīñ the

mujhe tumhārī zarūrat thī aur tum nahīñ the

maiñ ḳhvāb meñ tumheñ yak-laḳht chhūne vaalā thā

phir us ke baad haqīqat thī aur tum nahīñ the

isī liye to mohabbat ko fauqiyat dī hai

ki mere saath mohabbat thī aur tum nahīñ the

maiñ chaah kar bhī dar aatā na thā ḳhayāloñ meñ

magar tumheñ ye suhūlat thī aur tum nahīñ the

guzarne vaalā nahīñ thā magar guzār liyā

vo din ki jab hameñ fursat thī aur tum nahīñ the

darun-e-zat aziyyat thi aur tum nahin the

mujhe tumhaari zarurat thi aur tum nahin the

main KHwab mein tumhein yak-laKHt chhune wala tha

phir us ke baad haqiqat thi aur tum nahin the

isi liye to mohabbat ko fauqiyat di hai

ki mere sath mohabbat thi aur tum nahin the

main chah kar bhi dar aata na tha KHayalon mein

magar tumhein ye suhulat thi aur tum nahin the

guzarne wala nahin tha magar guzar liya

wo din ki jab hamein fursat thi aur tum nahin the