dasht-e-be-samt se guzri hai hawa aahista
dasht-e-be-samt se guzrī hai havā āhista
shajar-e-shab se girā barg-e-sadā āhista
raat ke haath meñ thā gauhar-e-yak-dāna koī
chāñd tārīk samundar meñ girā āhista
naqsh ubhrā na huā koī sharar hī paidā
duur chaTTānoñ se Takrā.ī navā āhista
aage baḌhte hue dekhā na kisī ne muḌ kar
vā huā phir dahan-e-koh-e-nidā āhista
'zeb' se she'r sunāne kā baḌhā jab isrār
jaane dīvār se kyā us ne kahā āhista
dasht-e-be-samt se guzri hai hawa aahista
shajar-e-shab se gira barg-e-sada aahista
raat ke hath mein tha gauhar-e-yak-dana koi
chand tarik samundar mein gira aahista
naqsh ubhra na hua koi sharar hi paida
dur chaTTanon se Takrai nawa aahista
aage baDhte hue dekha na kisi ne muD kar
wa hua phir dahan-e-koh-e-nida aahista
'zeb' se she'r sunane ka baDha jab israr
jaane diwar se kya us ne kaha aahista
- Book : Dheemi Aanch ka Sitaara (Pg. 82)
- Author :Zeb Ghauri
- Publication : Rekhta Publications (2023)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
