دشت غم میں سایۂ گیسو نہ ڈھونڈ
دشت غم میں سایۂ گیسو نہ ڈھونڈ
پتھروں میں درد کی خوشبو نہ ڈھونڈ
زندگی میں اب وہ رنگ و بو نہ ڈھونڈ
گل ادا گل پیرہن گل رو نہ ڈھونڈ
اپنے ہونٹوں پر تبسم کر تلاش
وقت کے رخسار پر آنسو نہ ڈھونڈ
مستیوں میں رقص طاؤس اب کہاں
شوخیوں میں وہ رم آہو نہ ڈھونڈ
موجزن ہے دل میں جو طوفاں وہ دیکھ
خشک آنکھوں میں مری آنسو نہ ڈھونڈ
ہو سکے تو اس روایت کو نہ توڑ
میں تجھے ڈھونڈوں گا مجھ کو تو نہ ڈھونڈ
دشمنوں میں بھی محاسن کر تلاش
ہم نفس تنقیص کے پہلو نہ ڈھونڈ
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
