aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dasht-e-wahshat ko phir aabaad karunga ek din

Shahid Kamal

dasht-e-wahshat ko phir aabaad karunga ek din

Shahid Kamal

MORE BYShahid Kamal

    dasht-e-vahshat ko phir ābād karūñgā ik din

    na hogā to tujhe yaad karūñgā ik din

    apne hāthoñ se giraftār karūñgā ḳhud ko

    ḳhud ko maiñ ḳhud se phir āzād karūñgā ik din

    aa.ine se maiñ karūñgā tirī timsāl kashīd

    phir tire aks ko ham-zād karūñgā ik din

    merā dushman kaf-e-afsos malegā jānāñ

    ḳhud ko is tarah se barbād karūñgā ik din

    maiñ ye suntā huuñ ki ye kār-e-mohabbat hai savāb

    maiñ bhī is kaam meñ imdād karūñgā ik din

    apnī har baat pe tanqīd karūñgā ḳhud

    apne aap pe īrād karūñgā ik din

    bhuul kar bhī na bhulā pā.egī duniyā mujh ko

    dekhnā vo suḳhan ījād karūñgā ik din

    daad ḳhud deñge har ik sher pe 'ġhālib' mujh ko

    'mīr'-sāhib ko bhī ustād karūñgā ik din

    dasht-e-wahshat ko phir aabaad karunga ek din

    tu na hoga to tujhe yaad karunga ek din

    apne hathon se giraftar karunga KHud ko

    KHud ko main KHud se phir aazad karunga ek din

    aaine se main karunga teri timsal kashid

    phir tere aks ko ham-zad karunga ek din

    mera dushman kaf-e-afsos malega jaanan

    KHud ko is tarah se barbaad karunga ek din

    main ye sunta hun ki ye kar-e-mohabbat hai sawab

    main bhi is kaam mein imdad karunga ek din

    apni har baat pe tanqid karunga KHud hi

    apne hi aap pe irad karunga ek din

    bhul kar bhi na bhula paegi duniya mujh ko

    dekhna wo suKHan ijad karunga ek din

    dad KHud denge har ek sher pe 'ghaalib' mujh ko

    'mir'-sahib ko bhi ustad karunga ek din

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now