dasht ko ja to rahe ho soch lo kaisa lagega

dasht ko jā to rahe ho soch lo kaisā lagegā

sab udhar hī jā rahe haiñ dasht meñ mela lagegā

tiir ban kar ḳhair se har dil pe jab sīdhā lagegā

sher merā dushmanoñ ko bhī bahut achchhā lagegā

ḳhair hashr-e-ārzū par to tumhārā bas nahīñ hai

aarzū to kar lo yaaro aarzū meñ kyā lagegā

fasl-e-gul jo kar rahī hai sāmne hai dekh liije

maiñ karūñgā kuchh to naam ab merī vahshat kā lagegā

nsibatan hī Thiik hotī hai nazar kī baat maslan

ham nahīñ hoñge to har kotāh qad lambā lagegā

sarsarī andāz se dekhoge to mahfil hī mahfil

ġhaur se dekhoge to har aadmī tanhā lagegā

zindagī par ġhaur karnā chhoḌ doge jab 'shujā'

aah bhī degī mazā aur dard bhī mīThā lagegā

dasht ko ja to rahe ho soch lo kaisa lagega

sab udhar hi ja rahe hain dasht mein mela lagega

tir ban kar KHair se har dil pe jab sidha lagega

sher mera dushmanon ko bhi bahut achchha lagega

KHair hashr-e-arzu par to tumhaara bas nahin hai

aarzu to kar lo yaro aarzu mein kya lagega

fasl-e-gul jo kar rahi hai samne hai dekh lije

main karunga kuchh to nam ab meri wahshat ka lagega

nsibatan hi Thik hoti hai nazar ki baat maslan

hum nahin honge to har kotah qad lamba lagega

sarsari andaz se dekhoge to mahfil hi mahfil

ghaur se dekhoge to har aadmi tanha lagega

zindagi par ghaur karna chhoD doge jab 'shuja'

aah bhi degi maza aur dard bhi miTha lagega