dasht mein humne jo apna aabla-pa rakh diya
dasht meñ ham ne jo apnā ābla-pā rakh diyā
goyā har kāñTe ke sar par gul shagufta rakh diyā
muskurātā gungunātā shahr ab ḳhāmosh hai
phir samāñ shāyad kisī ne vahshatoñ kā rakh diyā
naav āsānī se merī aa ga.ī sāhil par aaj
quvvat-e-bāzū pe jo bhī thā bharosa rakh diyā
ḳhāksārī us kī bhī fitrat meñ thī pahle magar
taaj us ke sar pe kis ne tamkanat kā rakh diyā
de rahe the ai 'sabā' sab apne zaḳhmoñ kā hisāb
maiñ ne bhī ashkoñ kā apne ek qatra rakh diyā
dasht mein hum ne jo apna aabla-pa rakh diya
goya har kanTe ke sar par gul shagufta rakh diya
muskuraata gungunata shahr ab KHamosh hai
phir saman shayad kisi ne wahshaton ka rakh diya
naw aasani se meri aa gai sahil par aaj
quwwat-e-bazu pe jo bhi tha bharosa rakh diya
KHaksari us ki bhi fitrat mein thi pahle magar
taj us ke sar pe kis ne tamkanat ka rakh diya
de rahe the ai 'saba' sab apne zaKHmon ka hisab
main ne bhi ashkon ka apne ek qatra rakh diya
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
