dasht mein uDte bagulon ki ye masti ek din

dasht meñ uḌte bagūloñ kī ye mastī ek din

ek din hai sar-bulandī aur pastī ek din

ek din tū bhī isī bāzār meñ bik jā.egā

aur koī shai na hogī tujh se sastī ek din

naqsh jitne haiñ bahā le jā.eñge ashk-e-ravāñ

aur rah jā.eñgī ye āñkheñ tarastī ek din

rafta rafta ye dhundalke aur baḌhte jā.eñge

yak-ba-yak vīrān ho jā.egī bastī ek din

ek din jal jā.ūñgā maiñ bhī chitā kī aag meñ

ḳhaak meñ mil jā.egī terī bhī hastī ek din

do dinoñ kī zindagānī kufr kyā islām kyā

ek din ka.abe meñ sajda but-parastī ek din

gar yuuñ hī ġhālib rahā ham par suḳhan kā qarz ye

''rañg lā.egī hamārī fāqa-mastī ek din''

dasht mein uDte bagulon ki ye masti ek din

ek din hai sar-bulandi aur pasti ek din

ek din tu bhi isi bazar mein bik jaega

aur koi shai na hogi tujh se sasti ek din

naqsh jitne hain baha le jaenge ashk-e-rawan

aur rah jaengi ye aankhen tarasti ek din

rafta rafta ye dhundalke aur baDhte jaenge

yak-ba-yak viran ho jaegi basti ek din

ek din jal jaunga main bhi chita ki aag mein

KHak mein mil jaegi teri bhi hasti ek din

do dinon ki zindagani kufr kya islam kya

ek din kabe mein sajda but-parasti ek din

gar yun hi ghaalib raha hum par suKHan ka qarz ye

rang laegi hamari faqa-masti ek din