dasht ne talib-e-gulzar kiya hai mujhko

dasht ne tālib-e-gulzār kiyā hai mujh ko

merī vahshat ne gunahgār kiyā hai mujh ko

gosha-e-zāt meñ ābād hai duniyā merī

ḳhud kī hastī ne giraftār kiyā hai mujh ko

naql-o-harakat ne banāyā hai tamāshā merā

bad-havāsī ne sazā-vār kiyā hai mujh ko

ab mire kaam jo aa.e to hunar bhī kaise

dil ne shohrat kā parastār kiyā hai mujh ko

jism ke sehr se niklā to ye jaanā maiñ ne

ruuh ne sūrat-e-afkār kiyā hai mujh ko

kyā batā.ūñ ki azal se hai tamannā jis kī

us ne kis kis kā talabgār kiyā hai mujh ko

ḳhud se laḌtā huuñ to lagtā hai ki ran meñ 'rāhat'

vaqt ne qāfila-sālār kiyā hai mujh ko

dasht ne talib-e-gulzar kiya hai mujh ko

meri wahshat ne gunahgar kiya hai mujh ko

gosha-e-zat mein aabaad hai duniya meri

KHud ki hasti ne giraftar kiya hai mujh ko

naql-o-harakat ne banaya hai tamasha mera

bad-hawasi ne saza-war kiya hai mujh ko

ab mere kaam jo aae to hunar bhi kaise

dil ne shohrat ka parastar kiya hai mujh ko

jism ke sehr se nikla to ye jaana main ne

ruh ne surat-e-afkar kiya hai mujh ko

kya bataun ki azal se hai tamanna jis ki

us ne kis kis ka talabgar kiya hai mujh ko

KHud se laDta hun to lagta hai ki ran mein 'rahat'

waqt ne qafila-salar kiya hai mujh ko