dast-e-pur-KHun ko kaf-e-dast-e-nigaran samjhe

dast-e-pur-ḳhūñ ko kaf-e-dast-e-nigārāñ samjhe

qatl-gah thī jise ham mahfil-e-yārāñ samjhe

kuchh bhī dāman meñ nahīñ ḳhār-e-malāmat ke sivā

ai junūñ ham bhī kise kū-e-bahārāñ samjhe

TuuTe dhāge hī se karte haiñ rafū chāk-e-jigar

kaun bechārgī-e-sīna-figārāñ samjhe

haañ vo bedard to begāna hī achchhā yaaro

jo na tauqīr-e-ġham-e-dard-gusārāñ samjhe

ḳhanda-zan us pe rahe halqa-e-zanjīr-e-junūñ

jo na kuchh manzilat-e-silsila-dārāñ samjhe

aaj se ham ne bhī zaḳhmoñ ko tabassum jaanā

razm ko bazm-gah-e-lāla-ezārāñ samjhe

toḌ deñ ham jo na talvār to kahiye 'majrūh'

teġh-zan kyā hunar-e-zaḳhm-shi.ārāñ samjhe

dast-e-pur-KHun ko kaf-e-dast-e-nigaran samjhe

qatl-gah thi jise hum mahfil-e-yaran samjhe

kuchh bhi daman mein nahin KHar-e-malamat ke siwa

ai junun hum bhi kise ku-e-bahaaran samjhe

TuTe dhage hi se karte hain rafu chaak-e-jigar

kaun bechaargi-e-sina-figaran samjhe

han wo bedard to begana hi achchha yaro

jo na tauqir-e-gham-e-dard-gusaran samjhe

KHanda-zan us pe rahe halqa-e-zanjir-e-junun

jo na kuchh manzilat-e-silsila-daran samjhe

aaj se hum ne bhi zaKHmon ko tabassum jaana

razm ko bazm-gah-e-lala-ezaran samjhe

toD den hum jo na talwar to kahiye 'majruh'

tegh-zan kya hunar-e-zaKHm-shiaran samjhe