dast-o-pa hain sab ke shal ek dast-e-qatil ke siwa
dast-o-pa hain sab ke shal ek dast-e-qatil ke siwa
Suroor Barabankvi
MORE BYSuroor Barabankvi
dast-o-pā haiñ sab ke shal ik dast-e-qātil ke sivā
raqs koī bhī na hogā raqs-e-bismil ke sivā
muttafiq is par sabhī haiñ kyā ḳhudā kyā nāḳhudā
ye safīna ab kahīñ bhī jaa.e sāhil ke sivā
maiñ jahāñ par thā vahāñ se lauTnā mumkin na thā
aur tum bhī aa ga.e the paas kuchh dil ke sivā
zindagī ke rañg saare ek tere dam se the
tū nahīñ to zindagī kyā hai masā.il ke sivā
us kī mahfil ā.īna-ḳhāna to thī lekin 'surūr'
saare ā.īne salāmat the mire dil ke sivā
dast-o-pa hain sab ke shal ek dast-e-qatil ke siwa
raqs koi bhi na hoga raqs-e-bismil ke siwa
muttafiq is par sabhi hain kya KHuda kya naKHuda
ye safina ab kahin bhi jae sahil ke siwa
main jahan par tha wahan se lauTna mumkin na tha
aur tum bhi aa gae the pas kuchh dil ke siwa
zindagi ke rang sare ek tere dam se the
tu nahin to zindagi kya hai masail ke siwa
us ki mahfil aaina-KHana to thi lekin 'surur'
sare aaine salamat the mere dil ke siwa
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
