dastar-e-hunar baKHshish-e-darbar nahin hai

dastār-e-hunar baḳhshish-e-darbār nahīñ hai

sad shukr ki shānoñ pe ye sar baar nahīñ hai

ab to ye makāñ qatl-gaheñ banñe lage haiñ

achchhā hai vo jis kā koī ghar-bār nahīñ hai

tahrīs-o-sazā se nahīñ badleñge ye bayāñ ham

ik baar nahīñ jab hai to har baar nahīñ hai

har ek pe khul jaa.e bilā farq marātib

aisā ho to dahlīz pe darbār nahīñ hai

aa jaa.e tavāzun meñ ye māhaul kī mīzān

insāf ke palḌe meñ magar baar nahīñ hai

zulmat se nikal aa.eñ chamakte hue raste

par mash.al-e-ehsās sharar-bār nahīñ hai

haath aa.egā kyā sāhil-e-lab se hameñ 'anjum'

jab dil kā samundar hī guhar-bār nahīñ hai

dastar-e-hunar baKHshish-e-darbar nahin hai

sad shukr ki shanon pe ye sar bar nahin hai

ab to ye makan qatl-gahen banne lage hain

achchha hai wo jis ka koi ghar-bar nahin hai

tahris-o-saza se nahin badlenge ye bayan hum

ek bar nahin jab hai to har bar nahin hai

har ek pe khul jae bila farq maraatib

aisa ho to dahliz pe darbar nahin hai

aa jae tawazun mein ye mahaul ki mizan

insaf ke palDe mein magar bar nahin hai

zulmat se nikal aaen chamakte hue raste

par mashal-e-ehsas sharar-bar nahin hai

hath aaega kya sahil-e-lab se hamein 'anjum'

jab dil ka samundar hi guhar-bar nahin hai