daulat-e-khusrawi na dekh taj-e-sikandari na dekh

daulat-e-khusravī na dekh tāj-e-sikandarī na dekh

sīrat-e-bātinī pe jā sūrat-e-zāhirī na dekh

vādī-e-dil-navāz se jism ke ġhaar meñ utar

zauq-e-nazar kā vāsta sūrat-e-sarsarī na dekh

ek nazar kī muntazir bazm-e-qazā-o-qadr hai

mast mai-e-alast meñ shān-e-sikandarī na dekh

laakh qadam qadam pe haiñ rāh-e-vafā meñ mushkileñ

sabr ko rahnumā banā rasm-e-sitamgarī na dekh

laakh haram kī ghaat meñ aaj butān-e-kufr haiñ

misl-e-kalīm rakh nazar jādū-e-sāmrī na dekh

hijr kī aag meñ jalā aaTh pahar 'niyāz' ko

tujh ko junūñ kā vāsta hālat-e-abtarī na dekh

daulat-e-khusrawi na dekh taj-e-sikandari na dekh

sirat-e-baatini pe ja surat-e-zahiri na dekh

wadi-e-dil-nawaz se jism ke ghaar mein utar

zauq-e-nazar ka wasta surat-e-sarsari na dekh

ek nazar ki muntazir bazm-e-qaza-o-qadr hai

mast mai-e-alast mein shan-e-sikandari na dekh

lakh qadam qadam pe hain rah-e-wafa mein mushkilen

sabr ko rahnuma bana rasm-e-sitamgari na dekh

lakh haram ki ghat mein aaj butan-e-kufr hain

misl-e-kalim rakh nazar jadu-e-samri na dekh

hijr ki aag mein jala aaTh pahar 'niyaz' ko

tujh ko junun ka wasta haalat-e-abtari na dekh