daur-e-KHizan hai mausam-e-gul ke zawal tak

daur-e-ḳhizāñ hai mausam-e-gul ke zavāl tak

qissa hamāre hijr kā likhiye visāl tak

bāñhoñ meñ bāñheñ Daale hue ḳhvāb kī tarah

vo aa.e ham ko chhoḌne shahr-e-ḳhayāl tak

vo shāḳh-e-gul hai ḳhushbū hai yā koī lahr hai

vo kyā hai jis kī koī nahīñ hai misāl tak

pahchān hī na paa.e mujhe ghar ke log bhī

dhuñdlā diye the vaqt ne yuuñ ḳhadd-o-ḳhāl tak

gardish meñ jo zamāne kī ham se bichhaḌ ga.e

milne ke vo 'nafīs' nahīñ māh-o-sāl tak

daur-e-KHizan hai mausam-e-gul ke zawal tak

qissa hamare hijr ka likhiye visal tak

banhon mein banhen Dale hue KHwab ki tarah

wo aae hum ko chhoDne shahr-e-KHayal tak

wo shaKH-e-gul hai KHushbu hai ya koi lahr hai

wo kya hai jis ki koi nahin hai misal tak

pahchan hi na pae mujhe ghar ke log bhi

dhundla diye the waqt ne yun KHadd-o-KHal tak

gardish mein jo zamane ki hum se bichhaD gae

milne ke wo 'nafis' nahin mah-o-sal tak