dawa karte karte dua karte karte

davā karte karte du'ā karte karte

jiyā huuñ umīd-e-shifā karte karte

qazā aa.e hamd-o-sanā karte karte

ḳhudā se duā-e-atā karte karte

taras aa gayā hogā munsif ko ham par

barī kar gayā jo sazā karte karte

hamārī taraf kis liye ab haiñ maa.il

badal kyoñ ga.e vo jafā karte karte

hamārī taraf kis liye ab haiñ maa.il

badal kyoñ ga.e vo jafā karte karte

harīfoñ kā mashrab hai shikve shikāyat

yahīñ mar miTeñge gila karte karte

kahīñ Duub jaa.e na apnā safīna

yahīñ nāḳhudā nāḳhudā karte karte

ra.īsoñ kī sehat meñ kyā farq aayā

hamīñ mar miTe iktifā karte karte

vo aadam kī mā'sūmiyat allāh allāh

vahī kar ke baiThā manā karte karte

kasar sab nikal jā.egī 'nāmī' ik din

jiye haiñ jo makr-o-riyā karte karte

dawa karte karte du'a karte karte

jiya hun umid-e-shifa karte karte

qaza aae hamd-o-sana karte karte

KHuda se dua-e-ata karte karte

taras aa gaya hoga munsif ko hum par

bari kar gaya jo saza karte karte

hamari taraf kis liye ab hain mail

badal kyon gae wo jafa karte karte

hamari taraf kis liye ab hain mail

badal kyon gae wo jafa karte karte

harifon ka mashrab hai shikwe shikayat

yahin mar miTenge gila karte karte

kahin Dub jae na apna safina

yahin naKHuda naKHuda karte karte

raison ki sehat mein kya farq aaya

hamin mar miTe iktifa karte karte

wo aadam ki ma'sumiyat allah allah

wahi kar ke baiTha mana karte karte

kasar sab nikal jaegi 'nami' ek din

jiye hain jo makr-o-riya karte karte