dayar-e-fikr mein shab bhar tujhe khangala hai

dayār-e-fikr meñ shab bhar tujhe khañgālā hai

phir is ke baa'd tire 'aks ko nikālā hai

sadā tumheñ deñ to darvāze khul ga.e sab ke

tumhāre shahr kā dastūr hī nirālā hai

dhaḌakte dil ne tire dar pe dam jo toḌ diyā

tirī judā.ī ke sūraj ne maar Daalā hai

'ajab sī ḳhushbū musallat hai narm hāthoñ meñ

ye kis ne mere garebāñ pe haath Daalā hai

kuñvārī palkoñ pe jab hoñT rakh diyā us ne

maiñ kashmakash meñ thā sūraj hai ye ki jhālā hai

yahāñ pe zaat ko tarjīh kaun detā hai

hasīn gul kā gulistāñ meñ bol-bālā hai

tumhāre ḳhat pe hai aañsū kā be-zabāñ qatra

maiñ jāntā huuñ mohabbat kā ye havāla hai

sirhāne aa ke vo rotā hai ḳhvāb meñ mere

maiñ jāntā huuñ mohabbat kā ye izāla hai

dayar-e-fikr mein shab bhar tujhe khangala hai

phir is ke ba'd tere 'aks ko nikala hai

sada tumhein den to darwaze khul gae sab ke

tumhaare shahr ka dastur hi nirala hai

dhaDakte dil ne tere dar pe dam jo toD diya

teri judai ke suraj ne mar Dala hai

'ajab si KHushbu musallat hai narm hathon mein

ye kis ne mere gareban pe hath Dala hai

kunwari palkon pe jab honT rakh diya us ne

main kashmakash mein tha suraj hai ye ki jhaala hai

yahan pe zat ko tarjih kaun deta hai

hasin gul ka gulistan mein bol-baala hai

tumhaare KHat pe hai aansu ka be-zaban qatra

main jaanta hun mohabbat ka ye hawala hai

sirhane aa ke wo rota hai KHwab mein mere

main jaanta hun mohabbat ka ye izala hai