dayar-e-jaan pe musallat ajab zamana raha

dayār-e-jāñ pe musallat ajab zamāna rahā

ki dil meñ dard laboñ par ravāñ tarāna rahā

kisī pe barq girī shāḳh-e-jāñ sulag uTThī

kisī pe sañg chale sar mirā nishāna rahā

qadam qadam pe milī garche sarsar-e-ḳhūñ-rez

hujūm-e-gul usī andāz se ravāna rahā

adū-e-dost kabhī mujh ko mo'atabar na huā

azal se apnā ye me.ār-e-dostāna rahā

jo qadar-e-fan kā ta.ayyun karo to dhyān rahe

isī sabab se adū merā ik zamāna rahā

jo baat kahnī huī ham ne barmalā kah dī

'suhail' shikva kisī se na ġhā.ebāna rahā

dayar-e-jaan pe musallat ajab zamana raha

ki dil mein dard labon par rawan tarana raha

kisi pe barq giri shaKH-e-jaan sulag uTThi

kisi pe sang chale sar mera nishana raha

qadam qadam pe mili garche sarsar-e-KHun-rez

hujum-e-gul usi andaz se rawana raha

adu-e-dost kabhi mujh ko mo'atabar na hua

azal se apna ye mear-e-dostana raha

jo qadar-e-fan ka tayyun karo to dhyan rahe

isi sabab se adu mera ek zamana raha

jo baat kahni hui hum ne barmala kah di

'suhail' shikwa kisi se na ghaebana raha