dayar-e-sham na burj-e-saher mein raushan hun

Shahbaz Nadeem Ziai

dayar-e-sham na burj-e-saher mein raushan hun

Shahbaz Nadeem Ziai

MORE BYShahbaz Nadeem Ziai

    dayār-e-shām na burj-e-saher meñ raushan huuñ

    maiñ ek umr se apne ghar meñ raushan huuñ

    hujūm-e-shab-zadgāñ se farār ho kar aaj

    jamāl-e-shola-e-sham-e-saher meñ raushan huuñ

    maiñ muntazir huuñ to phir muntazar bhī aa.egā

    charāġh-e-jāñ tarah rah-guzar meñ raushan huuñ

    na jaane kab mirī hastī dhuāñ dhuāñ ho jaa.e

    maiñ ek sā.at-e-nā-motabar meñ raushan huuñ

    mire harīf-e-suḳhan kuchh tujhe ḳhabar bhī hai

    tire sabab se hisār-e-hunar meñ raushan huuñ

    nizām-e-gardish-e-daurāñ mirā muqaddar hai

    maiñ ik sitāre sūrat safar meñ raushan huuñ

    akelā jaan ke ḳhud ko na ho udaas ki maiñ

    misāl-e-ashk tirī chashm-e-tar meñ raushan huuñ

    mujhe talāsh na kar merī zaat meñ 'shahbāz'

    bahut dinoñ se jahān-e-digar meñ raushan huuñ

    dayar-e-sham na burj-e-saher mein raushan hun

    main ek umr se apne hi ghar mein raushan hun

    hujum-e-shab-zadgan se farar ho kar aaj

    jamal-e-shola-e-sham-e-saher mein raushan hun

    main muntazir hun to phir muntazar bhi aaega

    charagh-e-jaan ki tarah rah-guzar mein raushan hun

    na jaane kab meri hasti dhuan dhuan ho jae

    main ek saat-e-na-motabar mein raushan hun

    mere harif-e-suKHan kuchh tujhe KHabar bhi hai

    tere sabab se hisar-e-hunar mein raushan hun

    nizam-e-gardish-e-dauran mera muqaddar hai

    main ek sitare ki surat safar mein raushan hun

    akela jaan ke KHud ko na ho udas ki main

    misal-e-ashk teri chashm-e-tar mein raushan hun

    mujhe talash na kar meri zat mein 'shahbaz'

    bahut dinon se jahan-e-digar mein raushan hun

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY