dekh bhaal kar sambhal sambhal kar aate hain

dekh bhaal kar sambhal sambhal kar aate haiñ

ham tak chehre umr badal kar aate haiñ

jame haiñ jo chehre āñkhoñ kī koroñ pe

aao un ko giit ġhazal kar aate haiñ

jab kirneñ paanī pe dastak detī haiñ

lahroñ pe girdāb uchhal kar aate haiñ

tum jaise ham lagne lageñge Thahro to

ham bhī apnā ḳhuun badal kar aate haiñ

gulshan se mujh tak aane meñ havā ke haath

jaane kitne phuul masal kar aate haiñ

'fānī' jaise kuchh chehre bāzāroñ meñ

apnī anā har roz nigal kar aate haiñ

dekh bhaal kar sambhal sambhal kar aate hain

hum tak chehre umr badal kar aate hain

jame hain jo chehre aankhon ki koron pe

aao un ko git ghazal kar aate hain

jab kirnen pani pe dastak deti hain

lahron pe girdab uchhal kar aate hain

tum jaise hum lagne lagenge Thahro to

hum bhi apna KHun badal kar aate hain

gulshan se mujh tak aane mein hawa ke hath

jaane kitne phul masal kar aate hain

'fani' jaise kuchh chehre bazaron mein

apni ana har roz nigal kar aate hain