dekh dariya hai kinare ko sambhaal

Mahboob Khizan

dekh dariya hai kinare ko sambhaal

Mahboob Khizan

MORE BYMahboob Khizan

    dekh dariyā hai kināre ko sambhāl

    ye mohabbat ye mohabbat zavāl

    is zamāne ko taras jā.eñge ham

    aah ye tishnagī-e-hijr-o-visāl

    mīThī bātoñ se adā jāgtī hai

    naram āñkhoñ meñ sañvarte haiñ ḳhayāl

    zaḳhm bigḌe to badan kaaT ke pheñk

    varna kāñTā bhī mohabbat se nikāl

    aap yaad bhī aa jaatī hai

    itnī mahrūm nahīñ bazm-e-ḳhayāl

    ḳhat jo aayā hai unhīñ hogā

    haañ zarā aaj tabī.at thī bahāl

    haa.e phir fasl-e-bahār aa.ī 'ḳhizāñ'

    kabhī marnā kabhī jiinā hai muhāl

    dekh dariya hai kinare ko sambhaal

    ye mohabbat ye mohabbat ka zawal

    is zamane ko taras jaenge hum

    aah ye tishnagi-e-hijr-o-visal

    miThi baaton se ada jagti hai

    naram aankhon mein sanwarte hain KHayal

    zaKHm bigDe to badan kaT ke phenk

    warna kanTa bhi mohabbat se nikal

    aap ki yaad bhi aa jati hai

    itni mahrum nahin bazm-e-KHayal

    KHat jo aaya hai unhin ka hoga

    han zara aaj tabiat thi bahaal

    hae phir fasl-e-bahaar aai 'KHizan'

    kabhi marna kabhi jina hai muhaal

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY