dekh kar joban tera kis kis ko hairani hui

Dagh Dehlvi

dekh kar joban tera kis kis ko hairani hui

Dagh Dehlvi

MORE BY Dagh Dehlvi

    dekh kar joban tirā kis kis ko hairānī huī

    is javānī par javānī aap dīvānī huī

    parde parde meñ mohabbat dushman-e-jānī huī

    ye ḳhudā maar kyā ai shauq-e-pinhānī huī

    dil saudā kar ke un se kyā pashemānī huī

    qadr us phir kahāñ jis shai arzānī huī

    mere ghar us shoḳh do din se mehmānī huī

    bekasī aaj kal kyā ḳhāna-vīrānī huī

    tark-e-rasm-o-rāh par afsos hai donoñ taraf

    ham se nādānī huī tum se nādānī huī

    ibtidā se intihā tak haal un se kah to duuñ

    fikr ye hai aur jo kah kar pashemānī huī

    ġham qayāmat nahīñ vaa.iz mujhe ye fikr hai

    diin kab baaqī rahā duniyā agar faanī huī

    tum na shab ko aaoge ye hai yaqīñ aayā huā

    tum na mānoge mirī ye baat hai maanī huī

    mujh meñ dam jab tak rahā mushkil meñ the tīmārdār

    merī āsānī se sab yāroñ āsānī huī

    is ko kyā kahte haiñ utnā baḌhā shauq-e-visāl

    jis qadar mash.hūr un pāk-dāmānī huī

    bazm se uThne ġhairat baiThne se dil ko rashk

    dekh kar ġhairoñ majma.a kyā pareshānī huī

    dāva-e-tasḳhīr par ye us parī-vash ne kahā

    aap dil kyā huā mohr-e-slemānī huī

    khul ga.iiñ zulfeñ magar us shoḳh mast-e-nāz

    jhūmtī bād-e-sabā phirtī hai mastānī huī

    maiñ sarāpā sajde kartā us ke dar par shauq se

    sar se tak kyuuñ na peshānī peshānī huī

    dil qalb-e-māhiyat ho use kyūñkar yaqīñ

    kab havā miTTī huī hai aag kab paanī huī

    aate kahte ho ab ghar jā.eñge achchhī kahī

    ye masal puurī yahāñ man-mānī ghar jaanī huī

    arsa-e-mahshar meñ tujh ko DhūñD lā.ūñ to sahī

    koī chhup saktī hai jo sūrat ho pahchānī huī

    dekh kar qātil ḳhālī haath bhī Dar gayā

    us chīn-e-āstīñ bhī chīn-e-peshānī huī

    khā ke dhokā us but-e-kamsin ne dāman meñ liye

    ashk-afshānī bhī merī gauhar-afshānī huī

    bekasī par merī apnī teġh hasrat to dekh

    chashm-e-jauhar bhī ba-shakl-e-chashm-e-hairānī huī

    bekasī par 'dāġh' afsos aatā hai hameñ

    kis jagah kis vaqt us ḳhāna-vīrānī huī

    dekh kar joban tera kis kis ko hairani hui

    is jawani par jawani aap diwani hui

    parde parde mein mohabbat dushman-e-jaani hui

    ye KHuda ki mar kya ai shauq-e-pinhani hui

    dil ka sauda kar ke un se kya pashemani hui

    qadr us ki phir kahan jis shai ki arzani hui

    mere ghar us shoKH ki do din se mehmani hui

    bekasi ki aaj kal kya KHana-virani hui

    tark-e-rasm-o-rah par afsos hai donon taraf

    hum se nadani hui ya tum se nadani hui

    ibtida se intiha tak haal un se kah to dun

    fikr ye hai aur jo kah kar pashemani hui

    gham qayamat ka nahin waiz mujhe ye fikr hai

    din kab baqi raha duniya agar fani hui

    tum na shab ko aaoge ye hai yaqin aaya hua

    tum na manoge meri ye baat hai mani hui

    mujh mein dam jab tak raha mushkil mein the timardar

    meri aasani se sab yaron ki aasani hui

    is ko kya kahte hain utna hi baDha shauq-e-visal

    jis qadar mashhur un ki pak-damani hui

    bazm se uThne ki ghairat baiThne se dil ko rashk

    dekh kar ghairon ka majma kya pareshani hui

    dawa-e-tasKHir par ye us pari-wash ne kaha

    aap ka dil kya hua mohr-e-slemani hui

    khul gain zulfen magar us shoKH mast-e-naz ki

    jhumti baad-e-saba phirti hai mastani hui

    main sarapa sajde karta us ke dar par shauq se

    sar se pa tak kyun na peshani hi peshani hui

    dil ki qalb-e-mahiyat ka ho use kyunkar yaqin

    kab hawa miTTi hui hai aag kab pani hui

    aate hi kahte ho ab ghar jaenge achchhi kahi

    ye masal puri yahan man-mani ghar jaani hui

    arsa-e-mahshar mein tujh ko DhunD laun to sahi

    koi chhup sakti hai jo surat ho pahchani hui

    dekh kar qatil ka KHali hath bhi ji Dar gaya

    us ki chin-e-astin bhi chin-e-peshani hui

    kha ke dhoka us but-e-kamsin ne daman mein liye

    ashk-afshani bhi meri gauhar-afshani hui

    bekasi par meri apni tegh ki hasrat to dekh

    chashm-e-jauhar bhi ba-shakl-e-chashm-e-hairani hui

    bekasi par 'dagh' ki afsos aata hai hamein

    kis jagah kis waqt us ki KHana-virani hui

    RECITATIONS

    Nomaan Shauque

    Nomaan Shauque

    Nomaan Shauque

    dekh kar joban tera kis kis ko hairani hui Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY