dekh ke arzan lahu surKHi-e-manzar KHamosh

dekh ke arzāñ lahū surḳhī-e-manzar ḳhamosh

bāzī-e-jāñ par mirī teġh bhī shashdar ḳhamosh

aks mirā muntashir aur ye aalam ki hai

ek ik ā.īna chup ek ik patthar ḳhamosh

teġh-e-nafas ko bahut naaz thā raftār par

ho ga.ī āḳhir mire ḳhuuñ meñ nahā kar ḳhamosh

arsa-e-hairat meñ gum ā.ina-ḳhāne mire

ḳhema-e-mizhgāñ meñ haiñ ḳhvāb ke paikar ḳhamosh

ḳhauf se sab dam-ba-ḳhud fikr se chehre udaas

mauj-e-havā kyuuñ hai chup kyuuñ hai samundar ḳhamosh

koī alāmat to ho koī nishāñ to mile

kyuuñ hai lahū be-sadā ho ga.e kyuuñ sar ḳhamosh

dekh ke arzan lahu surKHi-e-manzar KHamosh

bazi-e-jaan par meri tegh bhi shashdar KHamosh

aks mera muntashir aur ye aalam ki hai

ek ek aaina chup ek ek patthar KHamosh

tegh-e-nafas ko bahut naz tha raftar par

ho gai aaKHir mere KHun mein naha kar KHamosh

arsa-e-hairat mein gum aaina-KHane mere

KHema-e-mizhgan mein hain KHwab ke paikar KHamosh

KHauf se sab dam-ba-KHud fikr se chehre udas

mauj-e-hawa kyun hai chup kyun hai samundar KHamosh

koi alamat to ho koi nishan to mile

kyun hai lahu be-sada ho gae kyun sar KHamosh