dekh to ghar se nikal kar ki gali mein kya hai

dekh to ghar se nikal kar ki galī meñ kyā hai

tujh meñ kuchh bhī na sahī aur kisī meñ kyā hai

dekh le jhāñk ke apnā hī garebāñ koī

sab meñ hotī hai havas ek mujhī meñ kyā hai

milte rahte haiñ bahut log tumhāre jaise

par samajh meñ nahīñ aatā ki tumhī meñ kyā hai

sab kuchh ehsās pe mauqūf huā kartā hai

ġham meñ kyā hai mire be-dard ḳhushī meñ kyā hai

maiñ ne ye soch ke rokā nahīñ jaane se use

baa'd meñ bhī yahī hogā to abhī meñ kyā hai

tez chalnā mujhe aatā hai magar aap ke saath

kaif mat pūchhiye āhista-ravī meñ kyā hai

aadmī ke liye ronā hai baḌī baat 'sha'ūr'

hañs to sakte haiñ sab insān hañsī meñ kyā hai

dekh to ghar se nikal kar ki gali mein kya hai

tujh mein kuchh bhi na sahi aur kisi mein kya hai

dekh le jhank ke apna hi gareban koi

sab mein hoti hai hawas ek mujhi mein kya hai

milte rahte hain bahut log tumhaare jaise

par samajh mein nahin aata ki tumhi mein kya hai

sab kuchh ehsas pe mauquf hua karta hai

gham mein kya hai mere be-dard KHushi mein kya hai

main ne ye soch ke roka nahin jaane se use

ba'd mein bhi yahi hoga to abhi mein kya hai

tez chalna mujhe aata hai magar aap ke sath

kaif mat puchhiye aahista-rawi mein kya hai

aadmi ke liye rona hai baDi baat 'sha'ur'

hans to sakte hain sab insan hansi mein kya hai