dekha ki chale jate the sab shauq ke mare

dekhā ki chale jaate the sab shauq ke maare

ma.ashūq ke pahlū meñ shab-e-hijr guzāre

ham haiñ ki hue halqa-e-zanjīr-e-mohabbat

baaqī to ga.e chhūT giraftār tumhāre

ham chāhne vāloñ kā nahīñ koī Thikānā

haiñ aaj sar-e-najd to kal taḳht hazāre

aa pahuñche kahāñ justujū-e-yār meñ is baar

mil jaa.e to chal bhī na sake saath hamāre

sākin ho yahāñ koī to us se koī pūchhe

maiñ ghuum rahā huuñ ki haiñ gardish meñ sitāre

bas dekh chuke ḳhuub vo pastī ye bulandī

is charḳh se ab jald hameñ koī utāre

dekha ki chale jate the sab shauq ke mare

mashuq ke pahlu mein shab-e-hijr guzare

hum hain ki hue halqa-e-zanjir-e-mohabbat

baqi to gae chhuT giraftar tumhaare

hum chahne walon ka nahin koi Thikana

hain aaj sar-e-najd to kal taKHt hazare

aa pahunche kahan justuju-e-yar mein is bar

mil jae to chal bhi na sake sath hamare

sakin ho yahan koi to us se koi puchhe

main ghum raha hun ki hain gardish mein sitare

bas dekh chuke KHub wo pasti ye bulandi

is charKH se ab jald hamein koi utare