dekhe kahin mujhko to lab-e-baam se haT jae
dekhe kahin mujhko to lab-e-baam se haT jae
Mohammad Amaan Nisar
MORE BYMohammad Amaan Nisar
dekhe kahīñ mujh ko to lab-e-bām se haT jaa.e
is vaz.a se us kī mirā dil kyūñki na phaT jaa.e
aa jaa.e kahīñ baad kā jhoñkā to mazā ho
zālim tire mukhḌe se dupaTTa jo ulaT jaa.e
ai nāla-e-jāñ-kāh bahut ho chukī bas kar
Dartā huuñ kahīñ niiñd kisī kī na uchaT jaa.e
dekhe kahīñ raste meñ khaḌā mujh ko to zid se
aatā ho idhar ko to udhar hī ko palaT jaa.e
chal baiTh 'nisār' ek taraf ḳhalq se hokar
niklegā vo ghar se pa kahīñ bhiiḌ to chhaT jaa.e
dekhe kahin mujh ko to lab-e-baam se haT jae
is waza se us ki mera dil kyunki na phaT jae
aa jae kahin baad ka jhonka to maza ho
zalim tere mukhDe se dupaTTa jo ulaT jae
ai nala-e-jaan-kah bahut ho chuki bas kar
Darta hun kahin nind kisi ki na uchaT jae
dekhe kahin raste mein khaDa mujh ko to zid se
aata ho idhar ko to udhar hi ko palaT jae
chal baiTh 'nisar' ek taraf KHalq se hokar
niklega wo ghar se pa kahin bhiD to chhaT jae
Source:
intekhaab-e-sukhan(avval) (Pg. 92)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
