dekhi hai jo patjhaD ki faza soch raha hun

dekhī hai jo patjhaḌ kī fazā soch rahā huuñ

anjām yahī hogā mirā soch rahā huuñ

māñgūñ to vo ulTā hī asar apnā dikhā.e

kyā naam isī kā hai duā soch rahā huuñ

aġhyār hī kā zikr faqat maiñ ne kiyā thā

apne hue kyoñ mujh se ḳhafā soch rahā huuñ

anjām jo āġhāz-e-bahārāñ se milā hai

kyā us ne gulistāñ ko diyā soch rahā huuñ

bartāv sitamgar kā to ma.alūm hai lekin

kyā ahl-e-mohabbat se milā soch rahā huuñ

āġhosh-e-taġhāful meñ jo barsoñ se paḌā thā

hushiyār vahī kaise huā soch rahā huuñ

kyoñ ḳhud ko na pahchān sakā dekh ke 'nādim'

ā.īne ke aage maiñ khaḌā soch rahā huuñ

dekhi hai jo patjhaD ki faza soch raha hun

anjam yahi hoga mera soch raha hun

mangun to wo ulTa hi asar apna dikhae

kya nam isi ka hai dua soch raha hun

aghyar hi ka zikr faqat main ne kiya tha

apne hue kyon mujh se KHafa soch raha hun

anjam jo aaghaz-e-bahaaran se mila hai

kya us ne gulistan ko diya soch raha hun

bartaw sitamgar ka to malum hai lekin

kya ahl-e-mohabbat se mila soch raha hun

aaghosh-e-taghaful mein jo barson se paDa tha

hushiyar wahi kaise hua soch raha hun

kyon KHud ko na pahchan saka dekh ke 'nadim'

aaine ke aage main khaDa soch raha hun