dekhiye haalat ke jogi ka kab TuTe sharap

dekhiye hālāt ke jogī kā kab TuuTe sharāp

shāyad ab is ahd meñ us se na ho merā milāp

sāhib-e-imroz afsurda-mizāj o mushta'il

gardish-e-hālāt ko paimāna-e-fardā se naap

sāya-e-afkār meñ kāñTe sahī chhāñv to ho

zehn kī āġhosh se bāhar nikalnā ab hai paap

dil se zauq-e-jurm-e-mehnat kah rahā hai baar baar

ātish-e-ehsās ke sho.aloñ se bhī kuchh der taap

aa.ine ke sāmne aate hue Darte haiñ kyuuñ

ā.īna-sāzoñ kā unvān-e-tamannā jab haiñ aap

apnī sāñsoñ ko jalā de apne dil ko toḌ de

vaqt ke masrūf sādhū ke laboñ par hai ye jaap

dekhiye haalat ke jogi ka kab TuTe sharap

shayad ab is ahd mein us se na ho mera milap

sahib-e-imroz afsurda-mizaj o mushta'il

gardish-e-haalat ko paimana-e-farda se nap

saya-e-afkar mein kanTe sahi chhanw to ho

zehn ki aaghosh se bahar nikalna ab hai pap

dil se zauq-e-jurm-e-mehnat kah raha hai bar bar

aatish-e-ehsas ke shoalon se bhi kuchh der tap

aaine ke samne aate hue Darte hain kyun

aaina-sazon ka unwan-e-tamanna jab hain aap

apni sanson ko jala de apne dil ko toD de

waqt ke masruf sadhu ke labon par hai ye jap