dekhna ho gar use hasti miTa kar dekh lo
dekhna ho gar use hasti miTa kar dekh lo
Harbhajan Singh Sodhi Bismil
MORE BYHarbhajan Singh Sodhi Bismil
dekhnā ho gar use hastī miTā kar dekh lo
hai nazar ke sāmne ḳhud ko chhupā kar dekh lo
shīsha-e-dil ko hamāre ik nigah se dekh lo
phir usī andāz se teġh aazmā kar dekh lo
gor-e-majanūñ pe jo laila ne kahā kyā haal hai
qabr se aa.ī sadā parda uThā kar dekh lo
maiñ koī muusā nahīñ jo dekh kar aa jaave ġhash
gar nahīñ bāvar mujhe jalva dikhā kar dekh lo
lab shikāyat ko kahīñ hil jāveñ to phir zabt kyā
ek kyā sau baar bande ko satā kar dekh lo
kyā kahūñ kyā haal hai dil kā tumhāre hijr meñ
bas ke ḳhud āñkhoñ meñ aur dil meñ samā kar dekh lo
umr-bhar gulzār-e-hastī kī na hogī aarzū
bulbul-e-dil ko mire qaidī banā kar dekh lo
jalva-e-husn-e-do-ālam hai usī darbār meñ
sañg-e-dar par un ke bas sar ko jhukā kar dekh lo
āshiyāna faqr kā har barg har Tahnī pe hai
jitne dil chāheñ jalāne hoñ jalā kar dekh lo
mere ā.īne meñ ḳhud-bīnī ke sāmāñ hī nahīñ
aks-e-jānāñ se bharā rahtā hai aa kar dekh lo
ġham nahīñ bijlī gire jal jaa.e dil ho jaa.e ḳhaak
arz ik 'bismil' kī hai ki muskurā kar dekh lo
dekhna ho gar use hasti miTa kar dekh lo
hai nazar ke samne KHud ko chhupa kar dekh lo
shisha-e-dil ko hamare ek nigah se dekh lo
phir usi andaz se tegh aazma kar dekh lo
gor-e-majanun pe jo laila ne kaha kya haal hai
qabr se aai sada parda uTha kar dekh lo
main koi musa nahin jo dekh kar aa jawe ghash
gar nahin bawar mujhe jalwa dikha kar dekh lo
lab shikayat ko kahin hil jawen to phir zabt kya
ek kya sau bar bande ko sata kar dekh lo
kya kahun kya haal hai dil ka tumhaare hijr mein
bas ke KHud aankhon mein aur dil mein sama kar dekh lo
umr-bhar gulzar-e-hasti ki na hogi aarzu
bulbul-e-dil ko mere qaidi bana kar dekh lo
jalwa-e-husn-e-do-alam hai usi darbar mein
sang-e-dar par un ke bas sar ko jhuka kar dekh lo
aashiyana faqr ka har barg har Tahni pe hai
jitne dil chahen jalane hon jala kar dekh lo
mere aaine mein KHud-bini ke saman hi nahin
aks-e-jaanan se bhara rahta hai aa kar dekh lo
gham nahin bijli gire jal jae dil ho jae KHak
arz ek 'bismil' ki hai ki muskura kar dekh lo
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
