dekhna wo girya-e-hasrat-maal aa hi gaya
dekhna wo girya-e-hasrat-maal aa hi gaya
Wahshat Raza Ali Kalkatvi
MORE BYWahshat Raza Ali Kalkatvi
dekhnā vo girya-e-hasrat-ma.āl aa hī gayā
bekasī meñ koī to pursān-e-hāl aa hī gayā
jur.at-e-arz-e-tamannā kā sabab vo ḳhud hue
mehrbāñ dekhā unheñ lab par savāl aa hī gayā
dil ko ham kab tak bachā.e rakhte har aaseb se
Thes āḳhir lag ga.ī shīshe meñ baal aa hī gayā
bevafā.ī se vafā kā dete vo kab tak javāb
dil hī to hai rafta rafta infi.āl aa hī gayā
ḳhud-farāmoshī kī lazzat nā-mukammal rah ga.ī
bāvajūd-e-be-ḳhudī terā ḳhayāl aa hī gayā
ek muddat se nahīñ miltā thā 'vahshat' kā patā
le tire kūche meñ vo āshufta-hāl aa hī gayā
dekhna wo girya-e-hasrat-maal aa hi gaya
bekasi mein koi to pursan-e-haal aa hi gaya
jurat-e-arz-e-tamanna ka sabab wo KHud hue
mehrban dekha unhen lab par sawal aa hi gaya
dil ko hum kab tak bachae rakhte har aaseb se
Thes aaKHir lag gai shishe mein baal aa hi gaya
bewafai se wafa ka dete wo kab tak jawab
dil hi to hai rafta rafta infial aa hi gaya
KHud-faramoshi ki lazzat na-mukammal rah gai
bawajud-e-be-KHudi tera KHayal aa hi gaya
ek muddat se nahin milta tha 'wahshat' ka pata
le tere kuche mein wo aashufta-haal aa hi gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
