dekhne usko hum fuzul gae

dekhne us ko ham fuzūl ga.e

log āñkhoñ meñ Daal dhuul ga.e

rāsta rāsta kiyā use yaad

manzil aa.ī to us ko bhuul ga.e

dil meñ kaisī havā hai dar aa.ī

merī palkoñ se tere phuul ga.e

kaisā ehsās-e-rā.egānī hai

aisā lagtā hai ham fuzūl ga.e

tū masarrat tirā visāl ḳhushī

tujh se mil kar bhī ham malūl ga.e

haa.e afsos apnī qismat par

ham tire hāthoñ be-husūl ga.e

dekhne us ko hum fuzul gae

log aankhon mein Dal dhul gae

rasta rasta kiya use yaad

manzil aai to us ko bhul gae

dil mein kaisi hawa hai dar aai

meri palkon se tere phul gae

kaisa ehsas-e-raegani hai

aisa lagta hai hum fuzul gae

tu masarrat tera visal KHushi

tujh se mil kar bhi hum malul gae

hae afsos apni qismat par

hum tere hathon be-husul gae