dekho to kuchh ziyan nahin khone ke bawajud

Zafar Iqbal

dekho to kuchh ziyan nahin khone ke bawajud

Zafar Iqbal

MORE BYZafar Iqbal

    dekho to kuchh ziyāñ nahīñ khone ke bāvajūd

    hotā hai ab bhī ishq na hone ke bāvajūd

    shāyad ye ḳhaak meñ samāne mashq ho

    sotā huuñ farsh par jo bichhaune ke bāvajūd

    kartā huuñ niind meñ safar saare shahr

    fāriġh to baiThtā nahīñ sone ke bāvajūd

    hotī nahīñ hai merī tasallī kisī tarah

    rone intizār hai rone ke bāvajūd

    paanī to ek umr se mujh par hai be-asar

    mailā huuñ jaise aur bhī dhone ke bāvajūd

    bojhal to maiñ kuchh aur bhī rahtā huuñ raat din

    sāmān-e-ḳhvāb raat ko Dhone ke bāvajūd

    thī pyaas to vahīñ vahīñ aur maiñ vahāñ

    ḳhush thā zarā hoñT bhigone ke bāvajūd

    ye kīmiyā-garī mirī apnī hai is liye

    maiñ raakh samajhtā huuñ sone ke bāvajūd

    Dartā huuñ phir kahīñ se nikāleñ na sar 'zafar'

    maiñ us ko apne saath Dubone ke bāvajūd

    dekho to kuchh ziyan nahin khone ke bawajud

    hota hai ab bhi ishq na hone ke bawajud

    shayad ye KHak mein hi samane ki mashq ho

    sota hun farsh par jo bichhaune ke bawajud

    karta hun nind mein hi safar sare shahr ka

    farigh to baiThta nahin sone ke bawajud

    hoti nahin hai meri tasalli kisi tarah

    rone ka intizar hai rone ke bawajud

    pani to ek umr se mujh par hai be-asar

    maila hun jaise aur bhi dhone ke bawajud

    bojhal to main kuchh aur bhi rahta hun raat din

    saman-e-KHwab raat ko Dhone ke bawajud

    thi pyas to wahin ki wahin aur main wahan

    KHush tha zara sa honT bhigone ke bawajud

    ye kimiya-gari meri apni hai is liye

    main rakh hi samajhta hun sone ke bawajud

    Darta hun phir kahin se nikalen na sar 'zafar'

    main us ko apne sath Dubone ke bawajud

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY