dekhta kya hai tu hairat se hamara chehra

dekhtā kyā hai tū hairat se hamārā chehra

ham ne muddat se sajāyā na sañvārā chehra

ye to achchhā hai kī be-rañg hai aañsū varna

kis qadar daaġh liye phirtā hamārā chehra

roz hotā hai guzar ek na.ī āñdhī se

aur aT jaatā hai phir dhuul se saarā chehra

zindagī ek hī chehre pe guzārī ham ne

ham ne pahnā na kabhī ham ne utārā chehra

daaġh lag jaa.e agar koī bhī peshānī par

aa.ina bhī nahīñ kartā hai gavārā chehra

dekhta kya hai tu hairat se hamara chehra

hum ne muddat se sajaya na sanwara chehra

ye to achchha hai ki be-rang hai aansu warna

kis qadar dagh liye phirta hamara chehra

roz hota hai guzar ek nai aandhi se

aur aT jata hai phir dhul se sara chehra

zindagi ek hi chehre pe guzari hum ne

hum ne pahna na kabhi hum ne utara chehra

dagh lag jae agar koi bhi peshani par

aaina bhi nahin karta hai gawara chehra