der nahin haram nahin dar nahin aastan nahin

der nahīñ haram nahīñ dar nahīñ āstāñ nahīñ

maiñ ne vufūr-e-shauq meñ sajda kiyā kahāñ nahīñ

maanā ki musht-e-ḳhāk huuñ phir bhī mujhe ye faḳhr hai

merī nigāh se pare vus.at-e-do-jahāñ nahīñ

ḳhūn-e-dil-e-ġharīb se sīñch sake na jo chaman

nang-e-chaman hai vo bashar hāsil-e-gulsitāñ nahīñ

bār-e-shab-e-firāq se shīsha-e-dil hai chūr-chūr

phir bhī haiñ muskurāhaTeñ lab pe mire fuġhāñ nahīñ

tere ġham-e-firāq meñ mere laboñ pe āj-kal

naġhma-e-zindagī nahīñ bāda-e-arġhavāñ nahīñ

fasl-e-bahār ke liye maiñ ne bhī ḳhūn-e-dil diyā

daur-e-bahār meñ magar merā kahīñ nishāñ nahīñ

der nahin haram nahin dar nahin aastan nahin

main ne wufur-e-shauq mein sajda kiya kahan nahin

mana ki musht-e-KHak hun phir bhi mujhe ye faKHr hai

meri nigah se pare wusat-e-do-jahan nahin

KHun-e-dil-e-gharib se sinch sake na jo chaman

nang-e-chaman hai wo bashar hasil-e-gulsitan nahin

bar-e-shab-e-firaq se shisha-e-dil hai chur-chur

phir bhi hain muskurahaTen lab pe mere fughan nahin

tere gham-e-firaq mein mere labon pe aaj-kal

naghma-e-zindagi nahin baada-e-arghawan nahin

fasl-e-bahaar ke liye main ne bhi KHun-e-dil diya

daur-e-bahaar mein magar mera kahin nishan nahin