aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

deta hai koi dil pe lagatar dastaken

Irshad Anjum

deta hai koi dil pe lagatar dastaken

Irshad Anjum

MORE BYIrshad Anjum

    detā hai koī dil pe lagātār dastakeñ

    bechain kar rahī haiñ mujhe yaar dastakeñ

    vo dar khule khule na khule is se kyā ġharaz

    ham de rahe haiñ deñge lagātār dastakeñ

    koī bhī dar mile to lapaktā huuñ us samt

    aisī bañdhī haiñ hāthoñ se is baar dastakeñ

    ham muflisoñ tak is ke sivā kyā pahuñch sakā

    do-chār das sadā.eñ haiñ do-chār dastakeñ

    ab kul milā ke ye asāsa hai mere paas

    tanhā.ī ek chhat dar-o-dīvār dastakeñ

    mujh jaise ḳhaak chhānne vāloñ pe jabr haiñ

    tanhā.iyoñ meñ aisī pur-asrār dastakeñ

    deta hai koi dil pe lagatar dastaken

    bechain kar rahi hain mujhe yar dastaken

    wo dar khule khule na khule is se kya gharaz

    hum de rahe hain denge lagatar dastaken

    koi bhi dar mile to lapakta hun us ki samt

    aisi bandhi hain hathon se is bar dastaken

    hum muflison tak is ke siwa kya pahunch saka

    do-chaar das sadaen hain do-chaar dastaken

    ab kul mila ke ye hi asasa hai mere pas

    tanhai ek chhat dar-o-diwar dastaken

    mujh jaise KHak chhanne walon pe jabr hain

    tanhaiyon mein aisi pur-asrar dastaken

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now