dhaDakte dil ko pattharon mein DhunDhna to chahiye

dhaḌakte dil ko pattharoñ meñ DhūñDhnā to chāhiye

kahīñ ḳhudā mile hameñ koī ḳhudā to chāhiye

nahīñ ki apne dostoñ se kuchh umiid ho mujhe

magar kisī ko merā haal pūchhnā to chāhiye

kisī se rasm-e-nāma-o-payām band hī sahī

magar kabhī kabhī sabā ko Toknā to chāhiye

kisī ko jaise ab kisī kā intizār hī nahīñ

kanār-e-rahguzar kahīñ koī diyā to chāhiye

kabhī to maiñ bhī lutf-o-kaif-e-guftagu uThā sakūñ

kabhī ḳhamosh bām-o-dar ko bolnā to chāhiye

kaho to uTh ke khiḌkiyoñ ke uude parde khol duuñ

is āsmān par kahīñ koī ghaTā to chāhiye

zarā ruko koī bagūla uTh ke raqs to kare

ham ahl-e-dasht ke liye bhī rahnumā to chāhiye

na jaane 'zeb' mai-kade se jald kyoñ chalā gayā

kaTegī kaise raat koī āshnā to chāhiye

dhaDakte dil ko pattharon mein DhunDhna to chahiye

kahin KHuda mile hamein koi KHuda to chahiye

nahin ki apne doston se kuchh umid ho mujhe

magar kisi ko mera haal puchhna to chahiye

kisi se rasm-e-nama-o-payam band hi sahi

magar kabhi kabhi saba ko Tokna to chahiye

kisi ko jaise ab kisi ka intizar hi nahin

kanar-e-rahguzar kahin koi diya to chahiye

kabhi to main bhi lutf-o-kaif-e-guftagu uTha sakun

kabhi KHamosh baam-o-dar ko bolna to chahiye

kaho to uTh ke khiDkiyon ke ude parde khol dun

is aasman par kahin koi ghaTa to chahiye

zara ruko koi bagula uTh ke raqs to kare

hum ahl-e-dasht ke liye bhi rahnuma to chahiye

na jaane 'zeb' mai-kade se jald kyon chala gaya

kaTegi kaise raat koi aashna to chahiye