dhaDakti rahti hai dil mein talab koi na koi
dhaḌaktī rahtī hai dil meñ talab koī na koī
pukārtā hai mujhe roz-o-shab koī na koī
shab-e-alam tire saada diloñ pe kyā guzrī
sahar huī to sunā.egā sab koī na koī
zabān band hai āñkhoñ ke band rahne tak
khulegī aañkh to kholegā lab koī na koī
havā-e-sāz-e-alam laakh ehtiyāt kare
laraz hī uThtā hai tār-e-tarab koī na koī
ghane banoñ meñ bhī rasta nikal hī aatā hai
banā hī detī hai qudrat sabab koī na koī
dhaDakti rahti hai dil mein talab koi na koi
pukarta hai mujhe roz-o-shab koi na koi
shab-e-alam tere sada dilon pe kya guzri
sahar hui to sunaega sab koi na koi
zaban band hai aankhon ke band rahne tak
khulegi aankh to kholega lab koi na koi
hawa-e-saz-e-alam lakh ehtiyat kare
laraz hi uThta hai tar-e-tarab koi na koi
ghane banon mein bhi rasta nikal hi aata hai
bana hi deti hai qudrat sabab koi na koi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
