Dhal gai raat to nashsha bhi utar jaega
Dhal ga.ī raat to nashsha bhī utar jā.egā
sochnā ye hai junūñ apnā kidhar jā.egā
sham'-e-ummīd na rakh tez havā meñ varna
jalte ḳhvāboñ kā dhuāñ aañkh meñ bhar jā.egā
hoñge raushan kisī dahlīz pe āñkhoñ ke charāġh
shaam hote hī koī lauT ke ghar jā.egā
rang-o-bū vaqt ke sab saath hī uḌ jā.eñge
manzar-e-dīd hī āñkhoñ meñ Thahar jā.egā
phir tujhe dekh ke socheñge kahīñ dekhā hai
nashsha chhāyā hai jo āñkhoñ pe utar jā.egā
raat jhuk jā.egī palkoñ pe 'nafīs' āhista
niiñd āñkhoñ meñ liye chāñd guzar jā.egā
Dhal gai raat to nashsha bhi utar jaega
sochna ye hai junun apna kidhar jaega
sham'-e-ummid na rakh tez hawa mein warna
jalte KHwabon ka dhuan aankh mein bhar jaega
honge raushan kisi dahliz pe aankhon ke charagh
sham hote hi koi lauT ke ghar jaega
rang-o-bu waqt ke sab sath hi uD jaenge
manzar-e-did hi aankhon mein Thahar jaega
phir tujhe dekh ke sochenge kahin dekha hai
nashsha chhaya hai jo aankhon pe utar jaega
raat jhuk jaegi palkon pe 'nafis' aahista
nind aankhon mein liye chand guzar jaega
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
