dhanak ke rang KHushbuon ke pairahan

dhanak ke rang ḳhushbuoñ ke pairahan

banā rahā huuñ ḳhaak se na.e badan

tumhārā dhyān koī mushk-bār ban

ye man kulāñche mārtā huā hiran

vo terī vus.ateñ samajh nahīñ sake

tujhe samajh liyā gayā faqat badan

ye kaisā vaqt dekhnā paḌā mujhe

mujhe jalā nahīñ rahī tirī chhuan

thirak uThī thī in laboñ par ik hañsī

tamām phuul khil uThe the daf.atan

badalte vaqt ne badal diyā mujhe

tamām vahshateñ banā gayā thakan

sharāb-e-ishq pī rahe haiñ shaiḳh jī

namāz-e-ishq paḌh rahe haiñ barhaman

maiñ be-hunar huuñ mujh meñ koī fan nahīñ

savāb-e-ishq hai mujhe fan-e-suḳhan

dhanak ke rang KHushbuon ke pairahan

bana raha hun KHak se nae badan

tumhaara dhyan koi mushk-bar ban

ye man kulanche marta hua hiran

wo teri wusaten samajh nahin sake

tujhe samajh liya gaya faqat badan

ye kaisa waqt dekhna paDa mujhe

mujhe jala nahin rahi teri chhuan

thirak uThi thi in labon par ek hansi

tamam phul khil uThe the dafatan

badalte waqt ne badal diya mujhe

tamam wahshaten bana gaya thakan

sharab-e-ishq pi rahe hain shaiKH ji

namaz-e-ishq paDh rahe hain barhaman

main be-hunar hun mujh mein koi fan nahin

sawab-e-ishq hai mujhe fan-e-suKHan