dharti mein bhi reng rahi hai KHun ki ek shiryan

dhartī meñ bhī reñg rahī hai ḳhuun kī ik shiryān

patthar kī rag rag meñ machlā ashkoñ kā tūfān

chīḳh havā kī dene lagī hai ek luġhat tartīb

phūloñ kā mauzū-e-suḳhan hai sho.aloñ kī pahchān

dariyā dariyā tūfānoñ ne giit kiye compos

sahrā sahrā dhuul ke bādal baañT ga.e gul-dān

shaam kī ajrak DhūñDh ke laa.e dhuup nahā.e peḌ

shaam kī laalī oḌh ke aayā ambar sā mehmān

terī ḳhātir hī ai mere bhuuk ke maare bhaa.ī

peT pe patthar bāñdh ke royā do jag kā sultān

shāh-'nasīr' karegā apnī āñkheñ kal nīlām

bastī bastī nagrī nagrī kar do ye elaan

dharti mein bhi reng rahi hai KHun ki ek shiryan

patthar ki rag rag mein machla ashkon ka tufan

chiKH hawa ki dene lagi hai ek lughat tartib

phulon ka mauzu-e-suKHan hai shoalon ki pahchan

dariya dariya tufanon ne git kiye compos

sahra sahra dhul ke baadal banT gae gul-dan

sham ki ajrak DhunDh ke lae dhup nahae peD

sham ki lali oDh ke aaya ambar sa mehman

teri KHatir hi ai mere bhuk ke mare bhai

peT pe patthar bandh ke roya do jag ka sultan

shah-'nasir' karega apni aankhen kal nilam

basti basti nagri nagri kar do ye elan