dharti pe zindagi ke amiT etimad ko

dhartī pe zindagī ke amiT e'timād ko

jī ḳhush huā hai dekh ke apne kimād ko

ḳhud miT gayā miTātā huā satvat-e-husain

tārīḳh maat de ga.ī ibn-e-ziyād ko

tā-umr marnā jiinā rahe sājnā ke sañg

dil lobhtā hai aise hī āshīrvād ko

kohna kahāniyāñ suneñ lekin buneñ chuneñ

ash.ār ke savād meñ taaza mavād ko

sauñpe haiñ maiñ ne jañgalī chiḌiyoñ ke chahchahe

us madh-makhī kī yaad ko man kī murād ko

qarza utārā a-c ḳharīdā mañgāyā Dish

is saal ketiyoñ meñ lagāyā thā khaad ko

na.ara alī kā vird kare sañkh kī sadā

chimToñ ke saath Dhol bajeñ phūñkeñ naad ko

āḳhir hameñ bhī paḌ gayā hijrat se vāsta

rakhtā hai kaun shahr meñ sahrā-nazhād ko

ban-bās kī asaas bhare ruuh ke bhañvar

maulā lagā suhāg mirī soch-sādh ko

dharti pe zindagi ke amiT e'timad ko

ji KHush hua hai dekh ke apne kimad ko

KHud miT gaya miTata hua satwat-e-husain

tariKH mat de gai ibn-e-ziyaad ko

ta-umr marna jina rahe sajna ke sang

dil lobhta hai aise hi aashirwad ko

kohna kahaniyan sunen lekin bunen chunen

ashaar ke sawad mein taza mawad ko

saunpe hain main ne jangali chiDiyon ke chahchahe

us madh-makhi ki yaad ko man ki murad ko

qarza utara a-c KHarida mangaya Dish

is sal ketiyon mein lagaya tha khad ko

nara ali ka wird kare sankh ki sada

chimTon ke sath Dhol bajen phunken nad ko

aaKHir hamein bhi paD gaya hijrat se wasta

rakhta hai kaun shahr mein sahra-nazhad ko

ban-bas ki asas bhare ruh ke bhanwar

maula laga suhag meri soch-sadh ko