dhund hi dhund hai raste mein jahan tak jaun

dhund hī dhund hai raste meñ jahāñ tak jā.ūñ

raushnī tere ta.āqub meñ kahāñ tak jā.ūñ

merī auqāt kahāñ maiñ bhī makīñ dekh aa.uuñ

bas yahī baat baḌī hai ki makāñ tak jā.ūñ

aql kahtī hai tirī saarī tag-o-dau be-sūd

dil kahe ishq meñ be-sūd ziyāñ tak jā.ūñ

ain-mumkin hai judā.ī kī ghaḌī Tal jaa.e

dil kā farmān hai maiñ hadd-e-gumāñ tak jā.ūñ

lazzat-e-dīd kā iz.hār kahāñ mumkin hai

aañkh se gar mile fursat to zabāñ tak jā.ūñ

hosh kho kar jo surūr aa.e use kyā karnā

kūcha-e-hosh se kyoñ shahr-e-muġhāñ tak jā.ūñ

zabt ke band 'hidāyat' maiñ kahāñ tak bāñdhūñ

chashm-e-tar dard-ba-kaf dasht-e-fuġhāñ tak jā.ūñ

dhund hi dhund hai raste mein jahan tak jaun

raushni tere taaqub mein kahan tak jaun

meri auqat kahan main bhi makin dekh aaun

bas yahi baat baDi hai ki makan tak jaun

aql kahti hai teri sari tag-o-dau be-sud

dil kahe ishq mein be-sud ziyan tak jaun

ain-mumkin hai judai ki ghaDi Tal jae

dil ka farman hai main hadd-e-guman tak jaun

lazzat-e-did ka izhaar kahan mumkin hai

aankh se gar mile fursat to zaban tak jaun

hosh kho kar jo surur aae use kya karna

kucha-e-hosh se kyon shahr-e-mughan tak jaun

zabt ke band 'hidayat' main kahan tak bandhun

chashm-e-tar dard-ba-kaf dasht-e-fughan tak jaun