dhundla diya zist ka tasawwur

dhuñdlā diyā ziist kā tasavvur

apnī āñkhoñ hī kī namī ne

haivān-sifat huā hai āḳhir

dikhlāyā kamāl aadmī ne

kī dostī bhī to dushmanī se

jaanā na unheñ magar hamīñ ne

gāḌhe kī to khaal khīñch Daalī

raat un ke jamāl-e-reshmīñ ne

sho.aloñ se bujhā.ī pyaas jī kī

yāroñ ke mizāj-e-balġhamīñ ne

ye zohra ye mushtarī ye mahtāb

kyā kyā na milīñ na.ī zamīneñ

miT kar bhī ġhubār-e-kahkashāñ haiñ

chamkā diyā kis kī hamdamī ne

jo gul sar-e-arsh bhī na khilte

vo gul bhī khilā diye zamīñ ne

shāyad ki talab kiyā 'nazar' ko

ka.abe meñ rasūl-e-hāshmī ne

dhundla diya zist ka tasawwur

apni aankhon hi ki nami ne

haiwan-sifat hua hai aaKHir

dikhlaya kamal aadmi ne

ki dosti bhi to dushmani se

jaana na unhen magar hamin ne

gaDhe ki to khaal khinch Dali

raat un ke jamal-e-reshmin ne

shoalon se bujhai pyas ji ki

yaron ke mizaj-e-balghamin ne

ye zohra ye mushtari ye mahtab

kya kya na milin nai zaminen

miT kar bhi ghubar-e-kahkashan hain

chamka diya kis ki hamdami ne

jo gul sar-e-arsh bhi na khilte

wo gul bhi khila diye zamin ne

shayad ki talab kiya 'nazar' ko

kabe mein rasul-e-hashmi ne