DhunDh jugnu koi zulmat ko miTane wala
DhūñDh jugnū koī zulmat ko miTāne vaalā
ab to sūraj se añdherā nahīñ jaane vaalā
har kisī ko na dikhā apne ġhamoñ ke zevar
kāñch kī aañkh meñ aañsū nahīñ aane vaalā
mere ahbāb mire haal pe rote haiñ magar
kaash hotā koī girte ko uThāne vaalā
tere chehre pe jo raunaq hai mire ishq se hai
sirf ġhāze se nahīñ nuur ye aane vaalā
in ujāloñ ke talabgār to sab haiñ lekin
hai koī ḳhuun charāġhoñ ko pilāne vaalā
terī tasvīr kabhī terā badal ho na sakī
sirf rañgoñ meñ nahīñ husn samāne vaalā
apne dāman meñ duāoñ ke ḳhazāne bhar lo
phir ye darvesh nahīñ lauT ke aane vaalā
DhunDh jugnu koi zulmat ko miTane wala
ab to suraj se andhera nahin jaane wala
har kisi ko na dikha apne ghamon ke zewar
kanch ki aankh mein aansu nahin aane wala
mere ahbab mere haal pe rote hain magar
kash hota koi girte ko uThane wala
tere chehre pe jo raunaq hai mere ishq se hai
sirf ghaze se nahin nur ye aane wala
in ujalon ke talabgar to sab hain lekin
hai koi KHun charaghon ko pilane wala
teri taswir kabhi tera badal ho na saki
sirf rangon mein nahin husn samane wala
apne daman mein duaon ke KHazane bhar lo
phir ye darwesh nahin lauT ke aane wala
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
