DhunDhte kya ho aasmanon mein

DhūñDhte kyā ho āsmānoñ meñ

chāñd biktā hai ab dukānoñ meñ

rā.egāñ justujū-e-ḳhushbū hai

phuul bante haiñ kār-ḳhānoñ meñ

laḌkiyāñ haiñ bas utnī hī āzād

machhliyāñ jitnī martabānoñ meñ

is jahāñ se nikal ke ham jaise

aa ga.e terī dāstānoñ meñ

'ishq meñ hī to hai ḳhudāvandī

kuchh nahīñ aartī azānoñ meñ

ek golī thī santare vaalī

aaTh miltī thiiñ chaar aanoñ meñ

ek tum hī nahīñ ho TuuTe hue

aur bhī haiñ sharāb-ḳhānoñ meñ

ik ghuTan bārhā bulātī hai

dil sukūñ DhūñDhtā haiñ gānoñ meñ

tere bin jī na pā.ūñgī 'armān'

ek āvāz aa.ī kānoñ meñ

DhunDhte kya ho aasmanon mein

chand bikta hai ab dukanon mein

raegan justuju-e-KHushbu hai

phul bante hain kar-KHanon mein

laDkiyan hain bas utni hi aazad

machhliyan jitni martabanon mein

is jahan se nikal ke hum jaise

aa gae teri dastanon mein

'ishq mein hi to hai KHudawandi

kuchh nahin aarti azanon mein

ek goli thi santare wali

aaTh milti thin chaar aanon mein

ek tum hi nahin ho TuTe hue

aur bhi hain sharab-KHanon mein

ek ghuTan barha bulati hai

dil sukun DhunDhta hain ganon mein

tere bin ji na paungi 'arman'

ek aawaz aai kanon mein