DhunDiye din raat hafton aur mahinon ke baTan
DhunDiye din raat hafton aur mahinon ke baTan
Imran Shamshad Narmi
MORE BYImran Shamshad Narmi
DhūñDiye din raat haftoñ aur mahīnoñ ke baTan
lā-makāñ meñ kho ga.e haiñ in makīnoñ ke button
sirf chhūne se nazar aatā hai manzar kā fareb
dekhne meñ ḳhush-numā haiñ ābgīnoñ ke button
daras-e-taqvā dene vaale kī qabā par dekhiye
sone chāñdī aur chamkīle nagīnoñ ke button
ab garebāñ chaak kā matlab batāne ke liye
kholne paḌte haiñ aksar āstīnoñ ke button
jab sadā-e-kun kā uglā marhala aa jā.egā
āsmāñ ke kaaj meñ hoñge zamīnoñ ke button
koī hai, varna ye duniyā kis qadar barbād ho
pāgaloñ ke haath meñ haiñ sab mashīnoñ ke button
DhunDiye din raat hafton aur mahinon ke baTan
la-makan mein kho gae hain in makinon ke button
sirf chhune se nazar aata hai manzar ka fareb
dekhne mein KHush-numa hain aabginon ke button
daras-e-taqwa dene wale ki qaba par dekhiye
sone chandi aur chamkile naginon ke button
ab gareban chaak ka matlab batane ke liye
kholne paDte hain aksar aastinon ke button
jab sada-e-kun ka ugla marhala aa jaega
aasman ke kaj mein honge zaminon ke button
koi hai, warna ye duniya kis qadar barbaad ho
pagalon ke hath mein hain sab mashinon ke button
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
