dhuup baḌhne ke jo āsār hue
kitne saa.e ke taraf-dār hue
tap ke kundan vo baneñge kaise
jo jhulasne ko na tayyār hue
hai davā ishq to bīmārī bhī
ham davā ke liye bīmār hue
jo na jismoñ ke talabgār hue
sirf vo vasl ke haqdār hue
qaid se un ko chhuḌā.e kaise
apne hāthoñ jo giraftār hue
na hue ġham-zada jo ġham se mire
vo baḌe ḳhush hai ki ġham-ḳhvār hue
baat karte haiñ jo aqdār kī vo
jab bhī mauqa milā bāzār hue
aa.ine DhūñDte ho tum har sū
aur ham chehre se bezār hue
tab talak the baḌe naqqād 'navā'
jab talak ḳhud se na do-chār hue
dhup baDhne ke jo aasar hue
kitne sae ke taraf-dar hue
tap ke kundan wo banenge kaise
jo jhulasne ko na tayyar hue
hai dawa ishq to bimari bhi
hum dawa ke liye bimar hue
jo na jismon ke talabgar hue
sirf wo wasl ke haqdar hue
qaid se un ko chhuDae kaise
apne hathon jo giraftar hue
na hue gham-zada jo gham se mere
wo baDe KHush hai ki gham-KHwar hue
baat karte hain jo aqdar ki wo
jab bhi mauqa mila bazar hue
aaine DhunDte ho tum har su
aur hum chehre se bezar hue
tab talak the baDe naqqad 'nawa'
jab talak KHud se na do-chaar hue
Source:
Word File Mail By Salim Saleem
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
