dhup diwaron se jab baaten kare

dhuup dīvāroñ se jab bāteñ kare

ghar kī vīrānī 'ajab bāteñ kare

din to apnā ik khilañDrā dost hai

shab vo ham-jolī jo sab bāteñ kare

mujh meñ ik mā'sūm sī bachchī jo hai

mujh se pahroñ be-sabab bāteñ kare

ek saaya aa lage dīvār se

aur divāna roz-o-shab bāteñ kare

kaun samjhe chashm-o-abrū kī zabāñ

koī kis se zer-e-lab bāteñ kare

sub.h 'ujlat shaam yak-gūna thakan

phir batāo koī kab bāteñ kare

dhup diwaron se jab baaten kare

ghar ki virani 'ajab baaten kare

din to apna ek khilanDra dost hai

shab wo ham-joli jo sab baaten kare

mujh mein ek ma'sum si bachchi jo hai

mujh se pahron be-sabab baaten kare

ek saya aa lage diwar se

aur diwana roz-o-shab baaten kare

kaun samjhe chashm-o-abru ki zaban

koi kis se zer-e-lab baaten kare

subh 'ujlat sham yak-guna thakan

phir batao koi kab baaten kare