dhup khiDki se sirhane aai

dhuup khiḌkī se sirhāne aa.ī

chāñd ḳhvāboñ ke bujhāne aa.ī

haa.e vo phuul se hañste chehre

yaad phir un kī rulāne aa.ī

dil charāġhoñ ke abhī larzāñ haiñ

phir havā hosh uḌāne aa.ī

dil sulagtā thā shab-e-ġham yūñhī

chāñdnī aur jalāne aa.ī

uTh huī sub.h-e-azāñ kī āvāz

niiñd se mujh ko jagāne aa.ī

oḌh lī tū ne barahna tahzīb

sharm tujh ko na zamāne aa.ī

aur 'parvīn' se hujjat kiije

aap kī aql Thikāne aa.ī

dhup khiDki se sirhane aai

chand KHwabon ke bujhane aai

hae wo phul se hanste chehre

yaad phir un ki rulane aai

dil charaghon ke abhi larzan hain

phir hawa hosh uDane aai

dil sulagta tha shab-e-gham yunhi

chandni aur jalane aai

uTh hui subh-e-azan ki aawaz

nind se mujh ko jagane aai

oDh li tu ne barahna tahzib

sharm tujh ko na zamane aai

aur 'parwin' se hujjat kije

aap ki aql Thikane aai