dhup luTa kar ambar jab kangal hua

dhuup luTā kar ambar jab kañgāl huā

chāñd ugā kar phir se mālā-māl huā

sāñjh phisal kar DevḌhī par aa laTkī hai

āñgan se chaubāre tak sab laal huā

yaad vahīñ ThiThkī hai jahāñ tum chhoḌ ga.e

lamha din saptāh mahīna saal huā

dhuup aTak kar baiThā ga.ī hai chhajje par

osāre kā uThnā aaj muhāl huā

chun chun kar vo detā thā har dard mujhe

choT lagī jab ḳhud ko to behāl huā

kal tak jo detā thā utar prashnoñ kā

aaj vahī uljhā sā ek savāl huā

chhuTpan meñ jis kī sañgat thī chain mirā

umr baḌhī to vo jī kā janjāl huā

dhup luTa kar ambar jab kangal hua

chand uga kar phir se mala-mal hua

sanjh phisal kar DewDhi par aa laTki hai

aangan se chaubare tak sab lal hua

yaad wahin ThiThki hai jahan tum chhoD gae

lamha din saptah mahina sal hua

dhup aTak kar baiTha gai hai chhajje par

osare ka uThna aaj muhaal hua

chun chun kar wo deta tha har dard mujhe

choT lagi jab KHud ko to behaal hua

kal tak jo deta tha utar prashnon ka

aaj wahi uljha sa ek sawal hua

chhuTpan mein jis ki sangat thi chain mera

umr baDhi to wo ji ka janjal hua